“ასე კლასში ვერ შევიდოდი, რობოტი არ ვარ” - გაფიცული მასწავლებელი

“მე გავიფიცე! მაპატიეთ, ჩემო პატარებო, მშობლებო, კოლეგებო, ვერ ჩავატარებ გაკვეთილს მაშინ, როცა ჩემი ქვეყნის მოქალაქეებს თავებს უჩეჩქვავენ”, - დაწერა ფეისბუკზე ზეინაბ შავაძემ, ბათუმის მე-15 საჯარო სკოლის დაწყებითი საფეხურის ქართული ენისა და ლიტერატურის მასწავლებელმა და ორშაბათს სკოლაში აღარ მისულა.

ზეინაბი ამბობს, რომ დღეს ყველა მასწავლებელმა ხმამაღლა უნდა გააპროტესტოს ის, რაც საპროტესტო აქციებზე ხდება - ასობით დემონსტრანტის ცემა და დაკავება.

ზეინაბს სკოლაში შეახსენეს, რომ არ უნდა დაავიწყდეს მისი პასუხისმგებლობა ბავშვების მიმართ, თუმცა პედაგოგი ფიქრობს, რომ დღეს მისი პასუხისმგებლობა, სწორედაც რომ დაჩაგრული მოქალაქეების მიმართ სოლიდარობის გამოცხადებაა.
--

მეტი ახალი ამბავი, ანალიზი, ინტერვიუები და ბევრი სხვა ნახე ჩვენს საიტზე - https://www.radiotavisupleba.ge